අනුර දිසානායක - රාජපක්ෂලා ඇමරිකාවේ පුරවැසියෝ - මේ අය කරන්නේ කොන්ත්‍රාත් එකක්

04 Jan 2015


රාජපක්ෂලා ඇමරිකාවේ පුරවැසියෝ - මේ අය කරන්නේ කොන්ත්‍රාත් එකක්
2015 ජනවාරි 04 වෙනි ඉරිදා, 15:41
''රාජපක්‍ෂ ආණ්ඩුවේ ඇතුළේ ඉන්න අයටත් මේ රට එකට තියෙන්න ඕන නැහැ. ගෝඨාභය,බැසිල්, ඩලස්, චන්දිම රාසපුත‍්‍ර මේ රටේ ජීවත් වෙන්න බලාගෙන ඉන්න අය නෙවෙයි. එනිසා තමයි ඔවුන්ට ඇමරිකාවේ ගෙවල් තියෙන්නේ. ඇමරිකන් පුරවැසියෝ. ඔවුන් ලංකාවට ඇවිත් අවුරුදු 09ක් වෙනවා. එහෙත් ඇමරිකන් පුරවැසිභාවය ඉවත් කළේ නැහැ. පුරවැසිභාවය අලූත්කරගන්න ඇමරිකාවට දුවනවා. මේ අය කරන්නේ කොන්ත‍්‍රාත් එකක්. ඒ කොන්ත‍්‍රාත් එකෙන් හම්බවෙන සල්ලි පාවිච්චි කරලා ඇමරිකාවෙන් දේපල ගන්නවා. ඒ අයගේ මව්බිම ඇමරිකාවයි. ඒ නිසා රාජපක්‍ෂගේ ජයග‍්‍රහණය මේ අයට ඕනෑ.'' යැයි අද (04) ජනතා විමුක්ති පෙරමුණේ මූලස්ථානයේ පැවති මාධ්‍ය හමුවේදී එම පක්ෂයේ නායක අනුර කුමාර දිසානායක මහතා ප්‍රකශ කළේය.

එහිදී අනුර දිසානායක මහතා වැඩිදුරටත් අදහස් දක්වමින්,
මේ ජනාධිපතිවරණය ගෙනාවේ ව්‍යවස්ථාවට, රටේ නීති රෙගුලාසිවලට, අණපනත්වලට පටහැනිවයි. ඒ නිසා මේ ජනාධිපතිවරණය නීති විරෝධියි. මෙම ජනාධිපතිවරණයට රාජපක්‍ෂ තරඟ වැදීමත් නීති විරෝධියි. ඒ වගේම මේ මැතිවරණයේදී රාජපක්‍ෂගේ කටවුට්, දන්සැල්, භාණ්ඩ බෙදීම්, බැලූවාම මේ මැතිවරණයට මොනතරම් මුදල් ප‍්‍රමාණයක් පොම්ප කරනවාදැයි රටේ ජනතාවට බලාගන්න පුළුවන්. අනුරාධපුර ආණ්ඩුවේ රැලියට ලංගම බස් විශාල ප‍්‍රමාණයක් යොදාගත්තා. මැතිවරණ නිලධාරීන් විපක්‍ෂයේ දේශපාලන පක්‍ෂ ඒ ගැන ප‍්‍රශ්න කරද්දී බස්වලට කෝටි දෙකහමාරක් ගෙවු බව කිව්වා. අනුරාධපුරයේ සල්ගාදු පිට්ටනිය කෝටි ගාණක් වියදම් කරලා කොංකී‍්‍රට් කළා. රැලිය අවසන්වෙලා නැවත කෝටි ගාණක් වියදම් කරලා තණකොළ ඉන්දනවා. අපි මේරටේ ජනතාවගෙන් අහනවා රාජපක්‍ෂගේ එක ජනහමුවකට පමණක් කෝටි 7ක්-8ක් වියදම් කරන්න  ඕනැද? මේ තරම් ජනතා මුදල් ප‍්‍රමාණයක් මේ රාජපක්‍ෂ ජනාධිපතිවරයා නාස්ති කරනවා.
ඒ වගේම රාජ්‍ය දේපළ, රාජ්‍ය මාධ්‍ය විශාල ලෙස රාජපක්ෂගේ මැතිවරණයට යොදාගෙන තිබෙනවා. රාජ්‍ය මාධ්‍ය මුළුමනින්ම ශී‍්‍රලනිපයේ ශාඛා සමිතියක් බවට පත්කරගෙන. රාජපක්‍ෂගේ වර්ණනාව, ප‍්‍රතිපත්ති උත්කර්ෂයට නගමින් විපක්‍ෂයට විශාල ලෙස මඩ ගහමින් තිබෙනවා. දැන් ක‍්‍රමාණුකූලව ප‍්‍රචණ්ඩත්වය මුදාහරිමින් තිබෙනවා. විපක්‍ෂයේ වේදිකාවලට ගිණි තබමින්, වෙඩි තබමින් බම් මට්ටමේ සාමාන්‍ය ජනතාව භීතියට පත්කරමින් තිබෙනවා. ඊයේ අම්බලංගොඩදී අපේ පක්‍ෂයේ සාමාජිකයෙකුට පහර දී නිවසට අලාභහානි කරලා තිබෙනවා.

ටිල්වින් සිල්වා - කුමාර් ආවේ මහින්දගේ උදව්වට

04 Jan 2015


- ජනතා විමුක්‌ති පෙරමුණේ ප්‍රධාන ලේකම් ටිල්වින් සිල්වා
ජනාධිපතිවරණයට ඇත්තේ තවත් දින 4 කි. මැතිවරණ වේදිකා උණුසුම් වාද විවාදවලින් පිරී පවතී. එහිදී එක්‌සත් ජනතා නිදහස්‌ සන්ධාන වේදිකාවලදී සහ විපක්‍ෂයේ පොදු අපේක්‍ෂක වේදිකාවලදී පළවූ විවිධ අදහස්‌ පිළිබඳව, ජනාධිපතිවරණ ඡන්ද ව්‍යාපාරයට සම්බන්ධ වී නැති ජනතා විමුක්‌ති පෙරමුණ පළකරන අදහස්‌ දැන ගැනීම සඳහා අපි ජනතා විමුක්‌ති පෙරමුණේ ප්‍රධාන ලේකම් ටිල්වින් සිල්වා මහතා හමුවුණෙමු.
එහිදී ඇසූ ප්‍රශ්නවලට ටිල්වින් සිල්වා මහතා පිළිතුරු දුන්නේ මෙසේය.
ප්‍ර - ජනාධිපතිවරණයට ඇත්තේ තව දින කිහිපයකි. දැන් උද්ගත වී ඇති දේශපාලන තත්ත්වය ඔබේ පක්‍ෂය දකින්නේ කොහොමද?
පි - මහින්ද රාජපක්‍ෂ මහත්තයා වටේ සිටි පිරිස්‌ දැන් පරාජය දැනගෙන ඉවත් වෙන්නට පටන් අරන් තිබෙනවා. පරාජයෙන් බියට පත්වී සිටින ජනපතිවරයාගේ පැත්තෙන් දැන් මැර ප්‍රහාර එල්ල වෙන්න පටන් අරන් තිබෙනවා. කලාකරුවන්ට පවා පහර දෙන්න පටන් අරන්. ඒ වගේම ඡන්ද වැඩට රාජ්‍ය සම්පත් භාවිතය එන්න එන්නම වැඩි කරලා තිබෙනවා. දැන් ඉන්දියාවෙන් නළුවොත් ගෙන්වනවා. මේවායින් පේන්නේ ජනාධිපතිවරණයේදී මහින්ද රාජපක්‍ෂ මහත්තයා පරාජයට පත්වීමේ ලකුණු පහළ වී ඇති බව තමයි.
ප්‍ර - ජනතා විමුක්‌ති පෙරමුණ කිසිදු අපේක්‍ෂකයකුට සහාය දෙන්නේ නැහැ. දෙමළ ජාතික සන්ධානයත් ඔහොම කිය කිය ඉඳලා අන්තිමේදී පොදු අපේක්‍ෂක සිරිසේන මහතාට සහාය දීමට තීරණය කළා. කාටද ඡන්දෙ දෙන්න ඕන කියල ජනතා විමුක්‌ති පෙරමුණ අන්තිම මොහොතේදීවත් ප්‍රකාශ කරන්නේ නැද්ද?
පි - ජනාධිපතිවරණය ආරම්භයේදීම අපි අපේ ස්‌ථාවරය ප්‍රකාශ කළා. මහින්ද රාජපක්‍ෂ මහත්තයා මෙවර බලය ගන්න යන්නේ තුන්වැනි වතාවටයි. ඒ පවුල්වාදය තවදුරටත් ගෙනයන්නයි. ඒ නිසා මහින්ද රාජපක්‍ෂ මහත්තයා පරාජය කිරීම සඳහා ඡන්දය පාවිච්චි කරන්නැයි අප ජනතාවගෙන් ඉල්ලා සිටිනවා. මේ ඡන්දෙට අපි ඉදිරිපත් වන්නේ නැති නිසා ඡන්දෙ දෙන්න කියන්න පුළුවන් කමක්‌ නැහැ කාටවත්. අපි ජනතාවගෙන් ඉල්ලන්නේ මහින්ද රාජපක්‍ෂ පරාජය කිරීමට කටයුතු කරන ලෙසයි. මා හිතනවා අපි කියන්නේ කුමක්‌ද කියා ජනතාවට තේරෙනවා ඇති. අපට අවසාන වශයෙන් කිසි කෙනෙකුට සහතික දෙන්නට පුළුවන්කමක්‌ නැහැ.

- කුමාර් ගුණරත්නම් - ජ.වි.පෙ. රැසක්‌ ඉදිරියේදී මා සමඟ එක්‌වෙනවා

04 Jan 2015
* මම ආවේ කොන්ත්‍රාත්තුවකට නොවෙය!
* ඉදිරියේදී පූර්ණකාලීනව දේශපාලනය කරනවා
* මේක හෙමින් දුවන මැරතන් එකක්‌! 

ජනතා විමුක්‌ති පෙරමුණේ ක්‍රියාකාරී යාන්ත්‍රණයේ නියමුවා ලෙස සහ ජාත්‍යන්තර සම්බන්ධතා කටයුතු පිළිබඳ ප්‍රධානියා ලෙස තිරයෙන් පිටුපස ප්‍රබල චරිතයක්‌ව සිටි කුමාර් ගුණරත්නම් මහතා පක්‍ෂය තුළ ඇතිවූ අභ්‍යන්තර ගැටුම් හමුවේ පෙරටුගාමී පක්‍ෂය නමින් වාමාංශික දේශපාලන පක්‍ෂයක්‌ පිහිටුවා එහි නායකත්වයට පත්විය. එම පක්‍ෂයේ ක්‍රියාකාරීව කටයුතු කිරීමට ඔස්‌ටේ්‍රලියාවේ සිට ශ්‍රී ලංකාවට පැමිණි ඔහු ආගමන විගමන නීති උල්ලංඝනය කිරීමේ චෝදනා මත 2012 අප්‍රේල් 07 වැනිදා ශ්‍රී ලංකාවෙන් පිටුවහල් කරනු ලැබීය. නැවතත් ඔහු 2015 ජනවාරි 01 වැනිදා ශ්‍රී ලංකාවට පැමිණ ශ්‍රී ලංකාවේ වාමාංශික දේශපාලනය ශක්‌තිමත් කිරීම සඳහා සක්‍රීය දායකත්වය දැක්‌වීමට පෙරමුණ ගෙන ඇත.
මෙම ආගමනය පිළිබඳව දිවයින ඉරිදා සංග්‍රහය සමඟ ඔහු පිළිසඳරකට එක්‌විය. එහිදී අප නැගූ පැනයනට ඔහු දුන් පිළිතුරු මෙසේය.
ප්‍රශ්නය - 2015 ජනවාරි 08 වැනිදා පැවැත්වෙන ජනාධිපතිවරණය සඳහා අපේක්‍ෂකයකු ලෙස ඉදිරිපත්ව සිටින ජනාධිපති මහින්ද රාජපක්‍ෂ මහතාට සහයෝගය දැක්‌වීම සඳහා ආණ්‌ඩුවේ කොන්ත්‍රාත්තුවකට ඔබ නැවත ලංකාවට පැමිණියා නේද?
පිළිතුර - මම කාගේවත් කොන්ත්‍රාත්තුවකට ලංකාවට ආවේ නැහැ. මා නැවත ලංකාවට පැමිණියේ ශ්‍රී ලංකාවේ වාමාංශික දේශපාලනය යළි ගොඩනගන්නයි. ඒ සඳහා මම පූර්ණකාලීනව කැපවී සිටිනවා. මාව 2012 වසරේ ශ්‍රී ලංකාවෙන් පිටුවහල් කරපු දවසේ පටන් මම නැවත ලංකාවට එන්න උත්සාහ ගත්තා. එහි ප්‍රතිඵලයක්‌ තමයි මගේ මේ පැමිණීම. එහිදී රට තුළ පවතින දේශපාලන වාතාවරණය අනුව විවිධ අර්ථ කථන ඉදිරිපත් කළ හැකියි. එය මට අදාළ නැහැ.

Gunaratnam - VP struck deal with Sirisena to defeat Rajapaksa

03 Jan 2015

Controversial leader of the JVP splinter group, the Frontline Socialist Party (FSP), Kumar Gunaratnam alias Noel Mudalige, popularly known as Kumar Mahattaya, returned from Australia yesterday. Speaking to The Island within hours of his return, he said it was the first face-to-face interview he had given to a Sri Lankan media organisation.

Excerpts of the interview:

Q: What made your return to Sri Lanka at this juncture? 

......................................

http://www.island.lk/index.php?page_cat=article-details&page=article-details&code_title=117013

Gunaratnam calls TNA biggest political fraudster for supporting Sirisena

January 2, 2015, 8:18 pm 

Of all those rogue elements supporting common opposition presidential candidate Maithripala Sirisena, the TNA was the biggest fraud, leader of the Frontline Socialist Party Kumar Gunaratnam said yesterday.

"The TNA has been duping the Tamil people for decades and that could be seen from its decision to support Sirisena," Gunaratnam told The Island yesterday.

 He said the TNA posed as the guardian of the Tamil people championing their cause by continuously demanding the full implementation of the 13th amendment to the Constitution.

Neither of the two main candidates had uttered a word about the national problem but the TNA had decided to back one of them, Gunaratnam said................

http://www.island.lk/index.php?page_cat=article-details&page=article-details&code_title=117008

- කුමාර් ගුණරත්නම් - මෛත්‍රීට සහාය දෙන්න ජවිපෙ රහස්‌ ගිවිසුමක්‌ ගහලා

02 Jan 2015

ජනතා විමුක්‌ති පෙරමුණ ජනාධිපතිවරණ පොදු අපේක්‍ෂක මෛත්‍රීපාල සිරිසේන මහතාට සහාය දැක්‌වීම සඳහා රහස්‌ ගිවිසුමක්‌ ඇතිකරගෙන තිබෙන බව පෙරටුගාමී පක්‍ෂයේ නායක කුමාර් ගුණරත්නම් මහතා ඊයේ (01 වැනිදා) "දිවයින"ට පැවසීය.
මෙම ගිවිසුම 2010 වසරේදී ඔවුන් රනිල් වික්‍රමසිංහ මහතා සමග එක්‌ව වත්මන් ආණ්‌ඩුව පෙරළීමට ඇතිකර ගත් අසාර්ථක ගිවිසුම හා සමාන බවද පැවසූ ඒ මහතා මෙවැනි අර්ධ ගිවිසුම් නිසා ජ.වි.පෙ. ක්‍රියාකාරී යාන්ත්‍රණය දැඩි කලකිරීමට ලක්‌ව ඇති බවත් මේ වන විට ජ.වි.පෙ. නායකත්වය දැඩි විවේචනයට ලක්‌ව ඇති බවත් පැවසීය.
තමා ඊයේ (01 වැනිදා) අලුයම ශ්‍රී ලංකාවට පැමිණියේ පෙරටුගාමී පක්‍ෂයෙන් ජනාධිපතිවරණයට ඉදිරිපත්ව සිටින දුමින්ද නාගමුව මහතාගේ මැතිවරණ කටයුතු ශක්‌තිමත් කිරීමට මිස ආණ්‌ඩුවේ කොන්ත්‍රාත්තුවක්‌ ඉටුකිරීමට නොවේ යෑයි ද කීවේය.
ජ.වි.පෙ. යටින් මෛත්‍රීට සහාය දක්‌වමින් උඩින් වාමාංශික දේශපාලනය ගැන කතා කරනවා. ඔවුන්ගේ මෙම අර්ධ තීරණ නිසා ජ.වි.පෙ. අභ්‍යන්තරය තුළ දැඩි විරෝධයක්‌ මතුව තිබෙනවා. තවමත් ජ.වි.පෙ. තුළ සැබෑ වාමාංශිකයන් පිරිසක්‌ ඉන්නවා. මම ඔවුන්ට කියන්නේ කලබල වෙන්න එපා. මේක මැරතන් එකක්‌. අපි සැබෑ වාමාංශික බලවේගයක්‌ රට තුළ ගොඩනගමු. එතෙක්‌ ඉවසගෙන ඉන්න. ඒ සඳහා මම පුළුල් මැදිහත්වීමක්‌ සිදුකරනවා.
ඉදිරියේදී සැබෑ වාමාංශික දේශපාලනය සක්‍රීය කරන්න අපි පුළුල් ලෙස සංවිධානය වෙනවා. ඒ සඳහා අපි අපගේ අරමුණු සමග එක්‌ව කටයුතු කරන පොදු ක්‍රියාකාරීන් සහ සංවිධාන සමග එකට වේදිකාවේ පෙනී සිටිනවා. තමාගේ පැමිණීම හදිසියේ සිදුවූවක්‌ නොව දිගු කාලයක සිට ගත් උත්සාහයක ප්‍රතිඵලයක්‌ බවත් කුමාර් ගුණරත්නම් මහතා වැඩිදුරටත් කීය.
http://www.divaina.com/2015/01/02/news02.html

Gunaratnam: JVP shaken to core by its support for MS

Calls its present day leaders traitors to the revolutionary cause

January 1, 2015, 12:00 pm
http://www.island.lk/index.php?page_cat=article-details&page=article-details&code_title=116959

රාජපක්‍ෂලාගේ ෆයිල් අපි ලඟ - ජවිපෙ

01 Jan 2014

කලාකරුවන්ට පහර දෙමින් බොරු දේශප්‍රේමය ගැන කතා කරන රාජපක්ෂවරුන්ගේ ෆයිල් තමන් ලඟ තිබෙන බව ජනතා විමුක්ති පෙරමුණ පවසයි. බත්තරමුල්ල පැලවත්ත පිහිටි එම පක්ෂ ප්‍රධාන කාර්යාලයේ අද (01) පස්වරුවේ පැවති මාධ්‍ය හමුවකදී එහි ප්‍රචාරක ලේකම් විජිත හේරත් මහතා මේ බව පැවසීය.

එහිදී විජිත හේරත් මහතා පළ කළ සම්පූර්ණ අදහස් මෙසේය...

ආණ්ඩුව රාජ්‍ය දේපළ, රාජ්‍ය මාධ්‍ය නිර්ලජ්ජිතව මේ මැතිවරණයට යොදාගන්නවා. කුමන්ත‍්‍රණ කථා, මඩ ප‍්‍රහාර, එල්ල කරන්න පටන් ගත්තා. තත්වය තවදුරටත් බරපතළ වෙද්දී සංවේදී නායකයා තමන්ගේ මැර කණ්ඩායම් යොදාගෙන විපක්‍ෂයට ප‍්‍රහාර එල්ල කරන්න පටන් ගත්තා. මේ රටේ කලාකරුවන්ට ගහන්න පටන් ගත්තා. වීදියේ විරෝධය ආරම්භ කරපු ජයතිලක බණ්ඩාර කලාකරුවාට එප්පාවලදී පහර දුන්නා. එතැනින් නොනැවතුණු ආණ්ඩුවේ මැරයින් ඔවුන්ට හම්බන්තොටදී නැවත වතාවක් පහර දුන්නා. සෙල්ලම් පිස්තෝලකරුවා ලෙස ප‍්‍රසිද්ධ වුණු නගරාධිපති මැරයින් කලාකරුවන්ට පහර දෙන්න පටන් ගත්තා. එතැනින් එහාටත් ගිහින් මෑත කාලීනව කුරුණෑගල කුඹුක්ගැටේ ප‍්‍රදේශයේදී "අලුත් පරපුර" කලාකරුවන් කණ්ඩායමකට ආණ්ඩුවේ පළාත් සභා මන්තී‍්‍රවරයෙකු පහර දුන්නා. එම කලාකරුවන් කිසිදු ප‍්‍රතිලාභයක් බලාපොරෙත්තු නොවී තමන්ගේ සමාජ මෙහෙවර ඉටුකිරීම සඳහා රට වටේ ගිහින් තමන්ගේ අදහස ජනතාවට කිව්වා. එවන් කලාකරුවන් පිරිසට නාමල් රාජපක්‍ෂගේ නිල් බලකායේ මැරයින් පහර දෙන්න පටන් අරගෙන තියෙනවා. තරුණ කලාකරුවන්ට තාරුණ්‍යය නියෝජනය කරන රාජපක්‍ෂගේ පුතණ්ඩියා පහර දෙනවා. අපේ රටේ සමනලීලට ගල් ප‍්‍රහාර එල්ල කරනවා. එහෙම කරන අතරේ මහින්ද රාජපක්‍ෂ බොලිවුඩයෙන් ගෙන්වන නළුවෝ හරසරින් පිළිගන්නවා. ජනතාවගේ මුදල් කෝටි ගණන් ඒ නළුවන්ට වියදම් කරනවා. අද මේ සංවේදී නායකයාගේ ප‍්‍රතිපත්තිය වෙලා තිබෙන්නේ සමනලීට ගල්, සල්මන්ලට මල් කියන තත්වයයි.

01 Jan 2014
ජ.වි.පෙ - මෛත්‍රි රහස්‌ ගිවිසුම්  හෙළි කිරීමට
 ගුණරත්නම් එනවා- පෙරටුගාමී ප්‍රචාරක ලේකම් කියයි
ජනතා විමුක්‌ති පෙරමුණ සහ විපක්‍ෂයේ පොදු අපේක්‍ෂක මෛත්‍රීපාල සිරිසේන මහතා අතර ඇති රහස්‌ ගිවිසුම් හෙළිකිරීම සඳහා පෙරටුගාමී සමාජවාදී පක්‍ෂයේ නායක කුමාර් ගුණරත්නම් මහතා (කුමාර් මහත්තයා) අද (01දා) හෝ හෙට ශ්‍රී ලංකාවට පැමිණීමට නියමිත බව එම පක්‍ෂයේ ප්‍රචාරක කම් පුබුදු ජයගොඩ මහතා ප්‍රකාශ කළේය.
පොදු වාමාංශික අපේක්‍ෂකයා ලෙස ජනාධිපතිවරණයට ඉදිරිපත්ව සිටින පෙරටුගාමී පක්‍ෂයේ දුමින්ද නාගමුව මහතා විසින් මෙම 05 වැනිදා කඩවත නගරයේ පවත්වන අවසන් ප්‍රචාරක රැලිය අමතමින් කුමාර් ගුණරත්නම් මහතා ජනතා විමුක්‌ති පෙරමුණ පිළිබඳ බොහෝ දැ හෙළිකරනු ඇතැයි ජයගොඩ මහතා "දිවයින"ට කීවේය.
ආණ්‌ඩුවේ අවසරය මත ශ්‍රී ලංකාවට පැමිණීම සඳහා කුමාර් ගුණරත්නම් මහතාට ආගමන විගමන දෙපාර්තමේන්තුව විසින් වීසා නිකුත් කර ඇත. කුමාර් ගුණරත්නම් මහතාගේ බිරිය වන චම්පා සෝමරත්න මහත්මිය සහ පුතණුවන්ද පසුගිය 26 වැනිදා එස්‌කිව් 468 දරන සිංගප්පූරු ගුවන් සේවයට අයත් ගුවන් යානයකින් ශ්‍රී ලංකාවට පැමිණි අතර ඔවුහු දැනට පිළියන්දල ප්‍රදේශයේ පදිංචි වී සිටිති.

28 Dec 2014
ආණ්ඩුව පරාජයෙන් වියරු වැටෙයි... 
මඩ මෙහෙයුම තිව්‍රර කරයි

"මේ වනවිට ජනාධිපති මහින්ද රාජපක්‍ෂ තමන්ගේ බලය ගිලිහීමත් පරාජයත් නිසා වියරු වැටිලා. කළබලයට පත්වෙලා. ඔහුගේ ගජමිතුරු ඇමති කැළ කෝපයට පත්වෙලා. ඒ වගේම ආණ්ඩුවේ ඇමතිවරු ආණ්ඩුව අතහරිමින් තිබෙනවා. දිනෙන් දින ජනතාව ආණ්ඩුවෙන් ඈත් වෙනවා. ආණ්ඩුවේ ඇතැම් ඇමතිවරු පවත්වාගෙන යන වෙබ් අඩවි භාවිතා කරමින් විපක්‍ෂයට එකතුවෙන පිරිස්වලට මඩ ප‍්‍රහාර එල්ලකරමින් තිබෙනවා. අද එළියට ආපු රාවුෆ් හකීම් ඇමතිවරයා ඉලක්කර කරගෙන මේ වනවිටත් මඩ ප‍්‍රහාර එල්ල කරමින් තිබෙනවා. මෙය ආණ්ඩුව ඉතාම සැලසුම්සහගතව සිදුකරමින් තිබෙනවා. ආණ්ඩුවේ ඉන්නවිට ඉතාම හොඳයි කියන පිරිස් එළියට ආවාම මේ විදියට මඩ ගහනවා." යැයි ජ.වි.පෙ. ප‍්‍රචාරක ලේකම් විජිත හේරත් මහතා අද (28) ජනතා විමුක්ති පෙරමුණේ ප්‍රධාන කාර්යාලයේ පැවති මාධ්‍ය හමුවකදී පැවසීය.

මේ වනවිට රටේ පවතින ආපදා තත්වය සහ ඊට ආණ්ඩුවේ මැදිහත්වීමේ ස්වභාවය සම්බන්ධයෙන් අදහස් දැක්වීම සඳහා මෙම මාධ්‍ය සාකච්ඡාව කැඳවා තිබූ අතර එහිදී දැක්වූ අදහස් පහත පළ වේ.

"මේ වනවිට දිස්ති‍්‍රක්ක 11ක පමණ ජනතාවක් ගං වතුර උවදුරින්, නායයෑම්වලින් ආපදාවට පත්වෙලා තිබෙනවා. ලක්‍ෂ 12කට ආසන්න ජනතාවක් පීඩාවට පත්වෙලා තිබෙනවා. මුලු රටේම මරණ 21ක් වාර්තා වෙලා තිබෙන අතර වගාකළ ඉඩම් අක්කර 46,000ක් පමණ ගං වතුරින් හානි වෙලා තිබෙනවා. අම්පාර දිස්ති‍්‍රක්කයේ පමණක් 3,616ක පමණ ජනතාවක් අවතැන් වෙලා සිටින අතර කඳවුරු 24ක ඔවුන් මේ වනවිට නතරවී සිටිනවා. මුළු රටේම 14,000ක් පමණ ජනතාවක් අවතැන් වෙලා. මෙපමණ කාලයක් නාය යෑමේ අනතුරට පත්වේ යැයි අනතුරු අඟවා නොමැති ප‍්‍රදේශ පවා අද නාය යාමේ අනතුරකට භාජනය වෙලා. විශේෂයෙන් බණ්ඩාරවෙල උඩවෙල, හාලිඇල රිල්පොල වැනි ප‍්‍රදේශවලද නාය යෑම් වාර්තා වෙලා. මුළු රටේම පොදු ආපදා තත්වයක් මතුවෙලා තිබෙනවා.

23 Dec 2014
පාලම්, පාරවල් හැදෙන්න ඕනෑ ජාතික නිෂ්පාදනයේ දියුණුවත් සමඟයි
අනුර කුමාර දිසානායක

රාජපක්‍ෂ ආණ්‌ඩුව මේ රටේ දේශපාලන සංස්‌කෘතිය විනාශ කළා. එහාට මෙහාට මුදලට විකිණෙන මන්ත්‍රීවරු හැදුවා.

රාජපක්‍ෂ ආණ්‌ඩුව සැලුන් දොර වගෙයි කීවා. අපේ පක්‍ෂ නම් එහෙම නෑ. අපේ පක්‍ෂයට කෙනෙක්‌ ගන්නේ ප්‍රතිපත්ති බලලයි. ප්‍රතිපත්ති කැඩුවොත් තමයි පක්‍ෂයෙන් යවන්නේ.

අතීතයේදීත් මන්ත්‍රීවරු පක්‍ෂ මාරු කළේ ප්‍රතිපත්තිවලටයි. නමුත් අද ප්‍රාදේශීය සභා මන්ත්‍රීවරයාත් කෝටියකට දෙකකට විකිණෙන සංස්‌කෘතියක්‌ බිහිවෙලා.

ජනතා විමුක්‌ති පෙරමුණේ නායක අනුර කුමාර දිසානායක මහතා පසුගිය සති අන්තයේ කෑගල්ල නගරයේ පැවැති ජනහමුවකදී මෙම අදහස්‌ පළ කළේය.
ඉදිරියේදී පැවැත්වෙන ජනාධිපතිවරණය ඉලක්‌ක කරමින් මෙම ජනරැලිය පැවැත්විණි.
එහිදී වැඩිදුරටත් අදහස්‌ දැක්‌වූ අනුර කුමාර දිසානායක මහතා,
"ජනපති වියරුව පරදවමු" යන තේමාව යටතේ පැවැති මෙම රැලියේදී ජනතා විමුක්‌ති පෙරමුණේ නායක අනුර කුමාර දිසානායක මහතා මෙසේ ද පැවසීය.

20 Dec 2014
කුමාර් ගුණරත්නම් ශ්‍රී ලංකාවට 
පැමිණීමට කළ ඉල්ලීම ඉවතට 
වීසා දීම රජය ප්‍රතික්‍ෂේප කරයි
ඔස්‌ටේ්‍රලියානු පුරවැසියකු වූ කුමාර් ගුණරත්නම්ට මෙරට දේශපාලනය කිරීමට හිමිකමක්‌ නැති නිසා ඔහු ශ්‍රී ලංකාවට පැමිණීමට කළ ඉල්ලීම රජය ප්‍රතික්‍ෂේප කර ඇත.
ජනාධිපතිවරණ රැස්‌වීම් ඇමතීම සඳහා ඔහු මෙරටට ගෙනඒමට පෙරටුගාමී සමාජවාදී පක්‍ෂය දැඩි උත්සාහයක්‌ ගෙන තිබේ.
කුමාර් ගුණරත්නම් ඔස්‌ටේ්‍රලියාවේ දේශපාලන රැකවරණ ලැබූවෙකි. එවැන්නකුට මෙරට අභ්‍යන්තර කටයුතුවලට මැදිහත්විය නොහැකියි. ඔහුට වෙනස්‌ නමක්‌ පවා දුන්නේ ඔස්‌ටේ්‍රලියානු බලධාරීන් යෑයි ඉහළ පෙළේ ආරංචි මාර්ග පැවසීය.
මේ අතර කුමාර් ගුණරත්නම් මහතාට ශ්‍රී ලංකාවට ඒමට වීසා ලබානොදීම පිළිබඳව පෙරටුගාමී සමාජවාදී පක්‍ෂය විසින් ඊයේ (19දා) මානව හිමිකම් කොමිසමට පැමිණිලි කර තිබේ.
කුමාර් ගුණරත්නම් මහතාට මෙරටට ඒම සඳහා නීත්‍යානුකූලව වීසා අයදුම් කර තිබෙන අතර එය ලබා නොදීම පිළිබඳව ජනාධිපතිවරණයේ වමේ පොදු අපේක්‍ෂක දුමින්ද නාගමුව හා පෙරටුගාමී සමාජවාදී පක්‍ෂයේ දේශපාලන මණ්‌ඩල සභික චමීර කොස්‌වත්ත යන මහත්වරුන් විසින් මානව හිමිකම් කොමිසමට මෙම පැමිණිල්ල කර ඇත. .......
http://www.divaina.com/2014/12/20/news13.html
 

19 Dec 2014

ජනවාරි 9 වැනිදා බිහිවන නව ආණ්‌ඩුවට ජනතා පොරොන්දු ඉටුකරන ලෙස බලකරනවා
- ජ.වි.පෙ. ප්‍රධාන ලේකම් ටිල්වින් සිල්වා කියයි

ජනාධිපතිවරණයෙන් පසුව පිහිටුවන ආණ්‌ඩුවේ කොටස්‌කාරයන් බවට පත් නොවී ඔවුන් ජනතාවට ලබා දුන් පොරොන්දු ඉටුකරවා ගැනීම සඳහා බලපෑම් කිරීමේ කටයුත්තට ජනතා විමුක්‌ති පෙරමුණ මැදිහත් වන බව එම පෙරමුණේ ප්‍රධාන ලේකම් ටිල්වින් සිල්වා මහතා ඊයේ (18 වැනිදා) ප්‍රකාශ කළේය.
බත්තරමුල්ල පැලවත්තේ පිහිටි ජ.වි.පෙ. කාර්යාලයේ පැවැති ප්‍රවෘත්ති සාකච්ඡාවකදී ටිල්වින් සිල්වා මහතා මෙසේද කීය.

මේ ජනාධිපතිවරණය රාජ්‍ය බලය පාවිච්චි කිරීම, රාජ්‍ය දේපළ යොදා ගැනීම අතින් ලෝක වාර්තාවක්‌ තියන්නයි යන්නේ. ඒ තරමටම රාජ්‍ය බලය සහ දේපළ මහින්ද රාජපක්‍ෂ ජනාධිපතිවරයාගේ මැතිවරණ කටයුතු සඳහා යොදා ගනිමින් තිබෙනවා. ජනාධිපතිවරණයට දින නියම කරන්න කලින් සිටම මහින්ද රාජපක්‍ෂ මැතිවරණ නීති උල්ලංඝනය කිරීම ආරම්භ කළා. මහා මාර්ගවල විදුලි කණුවල කටවුට්‌ එල්ලුවා. පාර වැහෙන තරමටම කටවුට්‌ ගහන්න පටන් ගත්තා. ඒ සඳහා සමාජ විරෝධය එල්ල වීමත් නීතිඥ සංගමය නීතිමය පියවර ගැනීමට සූදානම් වීමත් නිසා මෙම කටවුට්‌ ඉවත් කිරීමට ආණ්‌ඩුවට සිදුවුණා. නමුත් තවමත් නීති විරෝධී කටවුට්‌ මුළුමනින්ම ඉවත් කරලා නැහැ. මේ වනවිටත් බොහෝ රාජ්‍ය ආයතන ඇතුළේ කටවුට්‌ සවිකරමින් තිබෙනවා. පසුගිය කාලයේ අනුලා විද්‍යාලය තුළ ගුරුවරුන්ගේ විරෝධය නොසලකා කටවුට්‌ සවිකළා. අධිවේගී මාර්ග අවසන් වන ස්‌ථානවල මාතර, කොට්‌ටාව වැනි ප්‍රදේශවල විශාල වශයෙන් කටවුට්‌ ප්‍රදර්ශනය කරමින් තිබෙනවා. මෙහි බරපතළකම කොච්චරද කිව්වොත් ආරම්භයේදී කටවුට්‌ සවිකිරීමට පොලිස්‌ නිලධාරීන් පවා යොදාගත්තා. අඟුණකොළපැලැස්‌ස ප්‍රදේශයේ දී පොලිස්‌ ස්‌ථානාධිපතිවරයාගේ වගකීම සහිතව කටවුට්‌ සවිකරලා තිබුණා. මැතිවරණ නීතිය ආරක්‍ෂා කිරීමට ඉන්න පොලිසිය පවා තමන්ගේ මැතිවරණ කටයුතු සඳහා යොදාගන්න මහින්ද රාජපක්‍ෂ කටයුතු කළා.

http://www.divaina.com/2014/12/19/news19.html

18 Dec 2014

මහින්ද රාජ්‍ය දේපොළ පාවිච්චි කිරීමෙන් ලෝක වාර්තාවක් තබයි

''මේ ජනාධිපතිවරණය රාජ්‍ය බලය පාවිච්චි කිරීම, රාජ්‍ය දේපළ යොදා ගැනීම අතින් ලෝක වාර්තාවක් තියන්නයි යන්නේ. ඒ තරමටම රාජ්‍ය බලය සහ දේපළ මහින්ද රාජපක්‍ෂ ජනාධිපතිවරයාගේ මැතිවරණ කටයුතු සඳහා යොදා ගනිමින් තිබෙනවා.'' යැයි අද (18) පෙරවරුවේ ජනතා විමුක්ති පෙරමුණ ප්‍රධන කාර්යාලයේදී එම පක්ෂයේ ප්‍රධාන ලේකම් ටිල්වින් සිල්වා මහතාගේ ප්‍රධානත්වයෙන් පැවැති ප්‍රවෘති සාකච්ඡාවේදී මේ අදහස් පළ කළේය. එහිදී වැඩිදුරටත් අදහස් දැක්වූ ටිල්වින් සිල්වා මහතා.

''ජනාධිපතිවරණයට දින නියම කරන්න කලින් සිටම මහින්ද රාජපක්‍ෂ මැතිවරණ නීති උල්ලංඝනය කිරීම ආරම්භ කළා. මහා මාර්ගවල විදුලි කණුවල කටවුට් එල්ලුවා. පාර වැහෙන තරමටම කටවුට් ගහන්න පටන් ගත්තා. ඒ සඳහා සමාජ විරෝධය එල්ල වීමත් නීතිඥ සංගමය නීතිමය පියවර ගැනීමට සූදානම් වීමත් නිසා මෙම කටවුට් ඉවත් කිරීමට ආණ්ඩුවට සිදුවුණා. නමුත් තවමත් නීති විරෝධී කටවුට් මුළුමනින්ම ඉවත් කරලා නැහැ. මේ වනවිටත් බොහෝ රාජ්‍ය ආයතන ඇතුළේ කටවුට් සවිකරමින් තිබෙනවා. පහුගිය කාලයේ අනුලා විද්‍යාලය තුළ ගුරුවරුන්ගේ විරෝධය නොසලකා කටවුට් සවිකළා. අධිවේගී මාර්ග අවසන් වන ස්ථානවල මාතර, කොට්ටාව වැනි ප‍්‍රදේශවල විශාල වශයෙන් කටවුට් ප‍්‍රදර්ශනය කරමින් තිබෙනවා. මෙහි බරපතළකම කොච්චරද කිව්වොත් ආරම්භයේදී කටවුට් සවි කිරීමට පොලිස් නිලධාරීන් පවා යොදාගත්තා. අඟුණකොලපැලැස්ස ප‍්‍රදේශයේදී පොලිස් ස්ථානාධිපතිවරයාගේ වගකීම සහිතව කටවුට් සවිකරලා තිබුණා. මැතිවරණ නීතිය ආරක්‍ෂා කිරීමට ඉන්න පොලීසිය පවා තමන්ගේ මැතිවරණ කටයුතු සඳහා යොදාගන්න මහින්ද රාජපක්‍ෂ කටයුතු කළා...........

12 Dec 2014  JVP

රාජපක්ෂවරුන්ගේ ඇමරිකානු දේපළ හෙළිවෙයි

2014 දෙසැම්බර් 12 වෙනි සිකුරාදා, 

ජනාධිපතිවරයාගේ බාල සොයුරන් දෙදෙනා වන ඇමරිකානු පුරවැසි බැසිල් රාජපක්ෂගේ සහ ගෝඨාභය රාජපක්ෂගේ ඇමරිකා එක්සත් ජනපදයේ ඩොලර් මිලියන ගණනක දේපළවලින් කොටසක විස්තර හෙළිදරව් වී තිබේ.

මේ දේපළ අතරට බැසිල් රාජපක්ෂ අමාත්‍යවරයාගේ බිරිඳ වන පුෂ්පා රාජපක්ෂ නමින් කැලිෆෝනියාවේ පිහිටි නිවාස 04ක් ඇතුළත්ය. ඒවායේ ලිපිනයන් පහත පරිදිය. (1) 5581 Homecoming, Mira Loma, CA 91752 (2) 15067 Preston Dr, Fontana, CA 92336 (3) 222 Dexter St, Covina, CA 91723 (4) 15067 Preston Dr, Fontana, CA 92336 යන ස්ථානවල එම නිවාස ඇත. http://radaris.com/ නම් එක්සත් ජනපදයේ පුද්ගල සෙවුම් වෙබ් අඩවියේ අදාළ නම් ඇතුළත් කිරීම මගින් එම ස්ථාන  ඕනෑම අයෙකුට පරීක්ෂා කර ගත හැකිය.

එසේම ගෝඨාභය රාජපක්ෂ ලේකම්වරයාගේ බිරිඳ වන අයෝමා රාජපක්ෂ නමින් වන නිවාස 02ක තොරතුරුද අනාවරණය වේ. ^1& 1341 Wickham Ct, San Dimas, CA 91773 ^2& 303 S Cataract Ave, San Dimas, CA 91773 යන ස්ථානවල එම නිවෙස් පිහිටා ඇත...............

http://www.lankatruth.com/home/sinhala/index.php?option=com_content&view=article&id=13038:2014-12-12-02-42-02&catid=36:2011-10-17-04-27-38&Itemid=72

10 Dec 2014

 ජවිපෙ නිට්ටඹුවේ රැලියටත් මහ සෙනගක්

ජනතා විමුක්ති පෙරමු‍ණේ නායකයින්ගේ සහභාගීත්වයෙන් පවත්වනු ලැබූ "ඒකාධිපති පාලනය පරදවමු! ප්‍රජාතන්ත්‍රවාදය වෙනුවෙන් පෙළගැසෙමු!" රැලිය අද (09) නිට්ටඹුව නගරයේදී පැවති අතර එහිදී ජවිපෙ නායක අනුර දිසානායක මහතා, ජවිපෙ ප්‍රචාරක ලේකම් විජිත හේරත් මහතා සහ ජවිපෙ මධ්‍යමකාරක සභික මහින්ද ජයසිංහ මහතා ජනතාව අමතූහ.

එහිදී අනුර දිසානායක මහතා ජනතාව ඇමතූ හඬ පටය.............

http://www.lankatruth.com/home/sinhala/index.php?option=com_content&view=article&id=13003:2014-12-09-17-29-56&catid=36:2011-10-17-04-27-38&Itemid=72

07 Dec 2014 JVP

video: ආණ්ඩුවේ අය බෝම්බයක් දැකපු පිස්සෝ වගේ කලබල වෙලා

"දැන් මේ ආණ්ඩුවත් හරියට පිස්සං කොටුවක පිස්සෝ බෝම්බයකට කලබල වුණා වගේ කළබල වෙලා." යැයි ජනතා විමුක්ති පෙරමුණේ ප්‍රචාරක ලේකම්, පාර්ලිමේන්තු මන්ත්‍රී විජිත හේරත් මහතා පවසයි. එම් මහතා මේ බව පැවසුවේ අද (07) පෙරවරුවේ බත්තරමුල්ල පැලවත්ත පහිටි ජවිපෙ ප්‍රධාන කාර්යාලයේ පැවති මාධ්‍ය හමුව අමතමිණි.

එහිදී වැඩිදුරටත් අදහස් දැක්වූ විජිත හේරත් මහතා…

"මේ ජනාධිපතිවරණය නීති විරෝධීයි. ආණ්ඩුව යොදාගන්නා ප‍්‍රචාරක කටයුතුත් නීති විරෝධියි. මහින්ද අමරවීර ඇමතිවරයා කිව්වා දැන් ආණ්ඩුවේ අය බඩ පිරෙන්න කාලා ඉන්නේ වටලප්පම් ටිකක් කන්නයි තියෙන්නේ කියලා. අතුරුපසට වටලප්පම් කන්න ගෙනාපු මේ ජනාධිපතිවරණය නිසා ආණ්ඩුවේ අය මහ අකරතැබ්බයකට මුහුණ දීලා. මේකට උපමා කතාවක් කියන්න තියෙනවා. අතීතයේ දඹදිව බමුණන් පිරිසකට පවත්වපු සංග‍්‍රහයකදී එක් බමුණෙක් බඩ පිරෙන්න කාලා ඉස්මුරුත්තාවෙන් අමාරුවෙන් පැත්තකට වෙලා හිටියා. එතනට ආව තවත් බමුණෙක් ඔහුට උපදෙසක් දුන්නා කටට ඇඟිල්ලක් දාලා වමාරන්න එතකොට පහසුවක් දැනෙයි කියලා. එතකොට බඩ පිරෙන්න කාපු බමුණා දුන්නු උත්තරය තමයි ඇඟලිලක් දාන්න පුළුවන්නම් තව කෙහෙල් ගෙඩියක් ඔබාගන්නවා කියලා. දැන් මේ ආණ්ඩුවේ ඇමතිවරුන්ට වෙලා තියෙන්නෙත් ඒකයි. 2005 ඉඳලා මේ ඇමතිවරු බඩ පැළෙන්න කෑවා..................

http://www.lankatruth.com/home/sinhala/index.php?option=com_content&view=article&id=12952:2014-12-07-08-51-32&catid=36:2011-10-17-04-27-38&Itemid=72

02 DEC 2014 JVP

රාජපක්ෂ කඩේ වහන්න ඕනෑ - අනුර දිසානායක

http://www.lankatruth.com/home/sinhala/index.php?option=com_content&view=article&id=12863:2014-12-02-03-09-44&catid=36:2011-10-17-04-27-38&Itemid=72

02 Dec 2014   JVP

ප‍්‍රජාතන්ත‍්‍රවාදය වෙනුවෙන් රාපක්ෂ පරාජය කළ යුතුයි -ජවිපෙ නායක දිසානායක

http://thecolombopost.net/?p=2103

ප‍්‍රජාතන්ත‍්‍රවාදය වෙනුවෙන් රාපක්ෂ පරාජය කළ යුතු බව ජ.වි.පෙ. නායක අනුර කුමාර දිසානායක මහතා පවසයි. ඔහු මේ බව ප‍්‍රකාශ කළේ ජනාධිපතිවරණය ඉලක්ක කරගනිමින් ජනතා විමුක්ති පෙරමුණ විසින් කරන ජනතාව දැනුවත් කිරීමේ වැඩසටහන  නුගේගොඩල ආනන්ද සමරකෝන් එළිමහන් රංගපීඨයේදී පවත්වන ලද ජනතා රැලියකදී අදහස් දක්වමිනි.

එහිදී තවදුරටත් අදහස දක්වූ අනුර කුමාර දිසානායක මහතා මෙසේද පැවැසීය.

දැන් ජනාධිපතිවරණයක් කැඳවා තිබෙනවා. මේ ජනාධිපතිවරණය එන්න තිබුණේ 2016 නොවැම්බර් මාසයේ. ඡුන්දය තියන්න තිබුණේ 2017 ජනවාරිවල. නීතිය අනුවත්, ව්‍යවස්ථාව අනුවත් වසර දෙකක් කලින් මහින්දට ඡුන්දය කැඳවන්න බැහැ. විධායක බලය තියාගෙන පාර්ලිමේන්තුවේ තුනෙන් දෙකක් තියාගෙන ජනාධිපතිවරණය ගෙනාවේ තවත් වසර හතකට බලයේ ඉන්න සැලසුමටයි. රාජපක්ෂ දෙවන බලයුගය ආරම්භ කළොත් රාජපක්ෂ පවුල හැර වෙනත් පාලනයක් මේ රටේ තියෙන්න පුළුවන් කමක් නැහැ. එවැනි පාලනයන් රටවල්වලට මහා විනාශයක් කැඳවලා තිබෙනවා. ලිබියාවේ ගඩාෆි, ඊජිප්තුවේ මුබාරක්, සිම්බාබ්වේ මුගාබේ වැන්නන් ඒ රටවලට ගෙනත් දුන්නේ විනාශයන් පමණයි. රාජපක්ෂගේ පළමුවෙනි බලයුගය ආර්ථිකය, ප‍්‍රජාතන්ත‍්‍රවාදය, යහපාලනය, මාධ්‍ය නිදහස විනාශ කර දමා තිබෙනවා.

01 Dec 2014  JVP
We don’t have an issue with Ranil being appointed Prime Minister
http://www.dailymirror.lk/57723/we-don-t-have-an-issue-with-ranil-being-appointed-prime-minister

27 Nov 2014

වමේ පෙරමුණේ පොදු අපේක්‍ෂක දුමින්ද නාගමුව 
රනිල් ධර්මසේන

වමේ ව්‍යාපාරයේ පොදු අපේක්‍ෂක ලෙස පෙරටුගාමී සමාජවාදී පක්‍ෂයේ දේශපාලන මණ්‌ඩල සභික දුමින්ද නාගමුව මහතා ඉදිරි ජනාධිපතිවරණ අපේක්‍ෂකයකු ලෙස ඉදිරිපත් කිරීමට වාමාංශික පක්‍ෂ කිහිපයක්‌ එක්‌ව තීරණය කර ඇත.

"වමේ පෙරමුණ" පක්‍ෂයෙන් දුමින්ද නාගමුව මහතා තරග කරන අතර නව පක්‍ෂ ලාංඡනයට අද හෝ හෙට මැතිවරණ කොමසාරිස්‌වරයාගේ අනුමැතිය ලබා ගැනීමට නියමිතය.

වමේ පොදු අපේක්‍ෂකයාට වාමාංශික දේශපාලන පක්‍ෂ හතකින් සහාය ලැබෙනු ඇති බවත් පෙරටුගාමී පක්‍ෂයට අමතරව නව සමසමාජ පක්‍ෂය, ශ්‍රී ලංකා සමාජවාදී පක්‍ෂයද ඊට ඇතුළත් බව පෙරටුගාමී සමාජවාදී පක්‍ෂයේ ප්‍රචාරක ලේකම් පුබුදු ජයගොඩ මහතා ඊයේ (27 වැනිදා) කොළඹදී පැවති ප්‍රවෘත්ති සාකච්ඡාවකදී පැවසීය. ජනාධිපතිවරණයට තරග කිරීමට දැන් ඉදිරිපත් වී සිටින අධිරාජ්‍යවාදී කඳවුරු දෙකටම විකල්පයක්‌ ලෙසත් රටේ වැඩකරන ජනතාවගේ සැබෑ ප්‍රශ්නවලට විසඳුම් ඇත්තේ වමේ ව්‍යාපාරය තුළ බවත් ජයගොඩ මහතා කීය.

වමේ පොදු අපේක්‍ෂකයාගේ පොදු වැඩපිළිවෙළ ළඟදීම රටට ඉදිරිපත් කරන බවත් ඉන්පසුව වැඩකරන ජනතාව පාරට ගෙන සැබෑ ජනතා හඬ අවදි කරන බවත් හෙතෙම කියා සිටියේය.

http://www.divaina.com/2014/11/28/news31.html
දූෂිත සංධාන ආණ්‌ඩුවේ එකට හොරා කාපු අය අද
විපක්‍ෂයට ගොස්‌ යහපාලනය ගැන විහිළු සපයනවා පෙරටුගාමී සමාජවාදී පක්‍ෂයේ ප්‍රචාරක ලේකම් පුබුදු ජයගොඩ 

වමේ පෙරමුණ ඊයේ (27 වැනිදා) කැඳවූ ප්‍රවෘත්ති සාකච්ඡාවේදී වමේ පොදු අපේක්‍ෂක දුමින්ද නාගමුව මහතා අදහස්‌ දැක්‌වූ අයුරු.ඡායාරූපය - සමන් රණවීර

රනිල් ධර්මසේන

අවුරුදු 18 ක්‌ පුරා දූෂිත සන්ධාන ආණ්‌ඩුවේ එකට හොරා කාපු අය අද කොටස බෙදා ගන්න බැරිව විපක්‍ෂයට ගොස්‌ පොදු අපේක්‍ෂකයා වී යහ පාලනයක්‌ ගැන රටටම විහිලු සපයන බව පෙරටුගාමී සමාජවාදී පක්‍ෂයේ ප්‍රචාරක ලේකම් පුබුදු ජයගොඩ මහතා පැවසීය.

ප්‍රතිපත්තිගරුක දේශපාලනය වෙනුවට කුමන්ත්‍රණ පිරි, නූල් සූත්තර පිරි පිට්‌ටනියක්‌ බවට අද ජනාධිපතිවරණය පත්වී ඇතැයිද ඊයේ (27 දා) කොළඹ දී පැවති ප්‍රවෘත්ති සාකච්ඡාවකදී ජයගොඩ මහතා කීය.

මෙහිදී අදහස්‌ දැක්‌වූ ඒ මහතා මෙසේද කීය. 

27 Nov 2014 -  Left

මෛත්‍රී, චන්ද්‍රිකා හදන්නේ තමන්ගෙ වේදනාවන්ට පිළිතුරක් හොයා ගන්නයි

පෙරටුගාමී සමාජවාදි පක්ෂය, නව සමසමාජ පක්ෂය, ශ්‍රී ලංකා සමාජවාදි පක්ෂය සමඟ තවත් පක්ෂ හා කණ්ඩායක ‍රැසකගේ එකඟතාවයෙන් ගොඩ නැගුණු වමේ පෙරමුණකින් පොදු අපෙක්ෂකයකු ඉදිරිපත් කිරීම සඳහා තීරණය කර ඇතැයි අද එම පක්ෂ කිහිපයක් විසින් පැවැත්වූ මාධ්‍ය සාකච්ඡාවකදී හෙළි කළේය.

මෙහිදී වමේ පොදු අපේක්ෂකයා ලෙසා දුමින්ද නාගමුව මහතා ඉදිරිපත් කිරීමට තීරණය කර තිබේ.

http://sinhala.lankanewsweb.net/news/14637-2014-11-27-08-32-39