කලාකරුවන්ට පහර දෙමින් බොරු දේශප්‍රේමය ගැන කතා කරන රාජපක්ෂවරුන්ගේ ෆයිල් තමන් ලඟ තිබෙන බව ජනතා විමුක්ති පෙරමුණ පවසයි. බත්තරමුල්ල පැලවත්ත පිහිටි එම පක්ෂ ප්‍රධාන කාර්යාලයේ අද (01) පස්වරුවේ පැවති මාධ්‍ය හමුවකදී එහි ප්‍රචාරක ලේකම් විජිත හේරත් මහතා මේ බව පැවසීය.
එහිදී විජිත හේරත් මහතා පළ කළ සම්පූර්ණ අදහස් මෙසේය...
ආණ්ඩුව රාජ්‍ය දේපළ, රාජ්‍ය මාධ්‍ය නිර්ලජ්ජිතව මේ මැතිවරණයට යොදාගන්නවා. කුමන්ත්රණ කථා, මඩ ප‍්‍රහාර, එල්ල කරන්න පටන් ගත්තා. තත්වය තවදුරටත් බරපතළ වෙද්දී සංවේදී නායකයා තමන්ගේ මැර කණ්ඩායම් යොදාගෙන විපක්‍ෂයට ප‍්‍රහාර එල්ල කරන්න පටන් ගත්තා. මේ රටේ කලාකරුවන්ට ගහන්න පටන් ගත්තා. වීදියේ විරෝධය ආරම්භ කරපු ජයතිලක බණ්ඩාර කලාකරුවාට එප්පාවලදී පහර දුන්නා. එතැනින් නොනැවතුණු ආණ්ඩුවේ මැරයින් ඔවුන්ට හම්බන්තොටදී නැවත වතාවක් පහර දුන්නා. සෙල්ලම් පිස්තෝලකරුවා ලෙස ප‍්‍රසිද්ධ වුණු නගරාධිපති මැරයින් කලාකරුවන්ට පහර දෙන්න පටන් ගත්තා. එතැනින් එහාටත් ගිහින් මෑත කාලීනව කුරුණෑගල කුඹුක්ගැටේ ප‍්‍රදේශයේදී "අලුත් පරපුර" කලාකරුවන් කණ්ඩායමකට ආණ්ඩුවේ පළාත් සභා මන්තී‍්‍රවරයෙකු පහර දුන්නා. එම කලාකරුවන් කිසිදු ප‍්‍රතිලාභයක් බලාපොරෙත්තු නොවී තමන්ගේ සමාජ මෙහෙවර ඉටුකිරීම සඳහා රට වටේ ගිහින් තමන්ගේ අදහස ජනතාවට කිව්වා. එවන් කලාකරුවන් පිරිසට නාමල් රාජපක්‍ෂගේ නිල් බලකායේ මැරයින් පහර දෙන්න පටන් අරගෙන තියෙනවා. තරුණ කලාකරුවන්ට තාරුණ්‍යය නියෝජනය කරන රාජපක්‍ෂගේ පුතණ්ඩියා පහර දෙනවා. අපේ රටේ සමනලීලට ගල් ප‍්‍රහාර එල්ල කරනවා. එහෙම කරන අතරේ මහින්ද රාජපක්‍ෂ බොලිවුඩයෙන් ගෙන්වන නළුවෝ හරසරින් පිළිගන්නවා. ජනතාවගේ මුදල් කෝටි ගණන් ඒ නළුවන්ට වියදම් කරනවා. අද මේ සංවේදී නායකයාගේ ප‍්‍රතිපත්තිය වෙලා තිබෙන්නේ සමනලීට ගල්, සල්මන්ලට මල් කියන තත්වයයි.
විපක්‍ෂයේ පොදු අපේක්‍ෂක මෛත්‍රීපාල සිරිසේන මහතාට සහයෝගය දැක්‌වීමට ආයෝජන ප්‍රවර්ධන නියෝජ්‍ය ඇමැති ෆයිසර් මුස්‌තාපා මහතා සහ වයඹ පළාතේ ආණ්‌ඩු පක්‍ෂය නියෝජනය කරන ප්‍රාදේශීය සභා මන්ත්‍රීවරු 18 දෙනෙක්‌ ඊයේ (31 දා) එක්‌වූහ.විපක්‍ෂනායක කාර්යාලයේ දී ඊයේ පැවැති මාධ්‍ය හමු දෙකකදී මෙම පිරිස්‌ එක්‌වූහ.