මගේ අයවැය කොපිකර ඔවුන්ගේ ප්රතිපත්ති ප්රකාශය හදලා
නායකයෝ කළ යුත්තේ අඬන එක නොවෙයි;
අඬන ජනතාවගේ දැස්වල කඳුළු පිසදැමීමයි
ජනාධිපති මහින්ද රාජපක්ෂ
නායකයෝ ඉන්න ඕන ජනතාවගේ කඳුළු පිසදමන්න මිස ඉකිගසමින් අඬන්න නොවෙයි. අද මේ අය මේ ජනතාව ඉදිරියට ඇවිත් කිඹුල් කඳුළු හෙළනවා. ඔවුන් කඳුළු සලන්නේ ජනතාව වෙනුවෙන් නොව ඔවුන් වෙනුවෙන් යයි ජනාධිපති මහින්ද රාජපක්ෂ මහතා සඳහන් කළේය.
විපක්ෂ අපේක්ෂකගේ ප්රතිපත්ති ප්රකාශය තමාගේ අයවැය කතා එහාට මෙහාට කරලා කොපිකරලා හදිසියේ සකස් කළ පොතක් යයිද ජනාධිපතිවරයා වැඩිදුරටත් සඳහන් කළේය.රත්නපුර මහජන ක්රීඩාංගණයේදී පසුගිය 22 දා පැවැති ජනාධිපතිවරණ ජනරැලිය අමතමින් ජනාධිපතිවරයා මේ බව පැවැසීය.
අති විශාල ජනතාවක් රැස්ව සිටි එම ජනහමුව අමතා ජනාධිපතිවරයා වැඩිදුරටත් මෙසේද සඳහන් කළේය. තමුන්නාන්සේලා මට හැමදාම වැඩි ඡන්ද විශාල ප්රමාණයක් රත්නපුරයෙන් ලබාදෙනවා. ඒනිසා මට හැමදාම තමුන්නාන්සේලා විශ්වාසයි. අපි රත්නපුරයට යටිතල පහසුකම් වැඩිපුර ලබාදී තිබෙනවා.
දැන් ඔබට කොළඹ යන්න පැය කීයක් ගතවෙනවාද? තව අවුරුදු දෙකකින් ඔබට කොළඹට යන්න ගතවෙන්නේ පැය භාගයයි. එපමණක් නොවෙයි දුම්රියත් මෙහාට එවනවා. අපි දුම්රිය උඩවලවටම ධාවනය කරන්නයි සැලසුම් කරලා තියෙන්නේ. එවිට මේ දුම්රිය මාර්ගය මාතර සිට කතරගමට දික්වන දුම්රිය මාර්ගයට එකතු වෙනවා. මෙයයි සැලැස්ම. වැඩපටන්ගන්නයි හදන්නේ.
රට තුළ දැනුම රජ කරවීමට අවශ්ය නම් මෛත්රීපාල සිරිසේන මහතාටද, මැර බලය රජ කිරීමට නම් මහින්ද රාජපක්ෂ මහතාට ඡන්දය ලබා දෙන්නැයි විපක්ෂ නායක රනිල් වික්රමසිංහ මහතා කීය.
රජ පවුලක් ලෙස සදාකල් රජකම් කළ හැකි යෑයි සිතෙන අපවිත්ර දේශපාලන සංකල්පනාව වෙනස් කිරීම සඳහා අත්වැල් බැඳගත යුතු කාලය දැන් එළැඹ තිබෙන බව විපක්ෂයේ ජනාධිපතිවරණ පොදු අපේක්ෂක මෛත්රීපාල සිරිසේන මහතා පූගොඩ, කිරිල්ලවල, බියගම හැටන් සහ මාලබේ පැවති ජනහමුවලදී පසුගියදා ප්රකාශ කළේය.
පූර්ව හා පශ්චාත් මැතිවරණ ප්රචණ්ඩ ක්රියාවලින් වැළකී සාධාරණ හා සාමකාමී මැතිවරණයක් පවත්වා රටේ ගෞරවය රැක ගැනීමට කැප වෙන්නැයි ෙත්රෙනිකායික මහා නාහිමිවරු රජයෙන් සහ විපක්ෂයෙන් ඉල්ලා සිටිති.
ප්රජාතන්ත්රවාදී පක්ෂයේ බස්නාහිර පළාත් සභා මන්ත්රීවරයකු ඇතුළු එම පක්ෂයේ ගම්පහ දිස්ත්රික්කයේ ආසන් සංවිධායකවරු 9දෙනෙක්, වව්නියාව ප්රාදේශීය සභාවේ දෙමළ ජාතික සන්ධානයේ මන්ත්රීවරු 5දෙනෙක් හා එක්සත් ජාතික පක්ෂයේ මන්ත්රීවරු දෙදෙනෙක් මහින්ද රාජපක්ෂ මහතාට සහය පළ කරමින් ඊයේ (26දා) ආණ්ඩුවට එක් වූහ.
අත්අඩංගුවට ගැනීම සඳහා අධිකරණය මගින් වරෙන්තු නිකුත් කර තිබියදී විදේශගත වූ සුළු අපනයන ප්රවර්ධන නියෝජ්ය ඇමැති නිශාන්ත මුතුහෙට්ටිගම මහතා නැවත ශ්රී ලංකාවට පැමිණීමේදී අත්අඩංගුවට ගන්නා බව පොලිස් මාධ්ය ප්රකාශක ජ්යෙෂ්ඨ පොලිස් අධිකාරි අජිත් රෝහණ මහතා පැවැසීය.
විපක්ෂයේ අපේක්ෂකයා තම අයවැය කොපි කර කිසිදු වගවිභාගයකින් තොරව හදන ලද ලියවිල්ලක් මැතිවරණ ප්රතිපත්ති ප්රකාශය ලෙස ඉදිරිපත් කොට ඇති බවත් එවැනි නායකයන් පිළිබඳ ජනතාවට විශ්වාස තැබිය හැකි දැයි ජනාධිපති මහින්ද රාජපක්ෂ මහතා පැවසීය.
අර්ධ රාජාණ්ඩුවක් නිර්මාණය කරගෙන ඇති රාජපක්ෂ පාලනයට තවත් වතාවක් බලය දුන්නොත් මේ රට සම්පූර්ණයෙන් රාජාණ්ඩුවක් බවට පත්වන බව ස්ථිර බව ජනාධිපතිවරණයේ විපක්ෂයේ පොදු අපේක්ෂක මෛත්රිපාල සිරිසේන මහතා