කොටියා පෙන්නලා මුවෝ මරන්න දෙන්න බෑ. බොරු දේශප්‍රේමීන්ට චම්පිකගෙන් උත්තරයක්
යළි බෙදුම්වාදයට මේ රට කැන්දාගෙන යාමට මෛත්‍රීපාල සිරිසේන මහතා විසින් කටයුතු කරන බවට විමල් වීරවංශ ප්‍රමුඛව රෙජීමයට පක්ෂපාත කොටස් ගෙන යන විසුළුකාරී ප්‍රකාශයට උත්තරයක් දෙමින් පක්ෂ විපක්ෂ සියළු දෙනාගේ එකමුතුවෙන් පාර්ලිමේන්තුවේ යහපාලනය හා ප්රජාතන්ත්රවාදය ස්ථාපිත කළ යුතුව ඇති බවත් එය යුධ අපරාධ චෝදනාවලට මුවාවෙලා යටපත් කරන්න ඉඩ නොදියයුතු බවත් හිටපු තාක්ෂණ හා පර්යේෂණ අමාත්‍ය පාඨලී චම්පික රණවක මහතා පවසයි.
'ඒක කොටියො පෙන්නල මුවෝ මරනව වගේ වැඩක්. ඒ නිසා අපි මේ දෙක දෙකක් ලෙස සැලකිය යුතුයි. අපි ජනතාවට ප්‍රකාශ කරනව ව්‍යාජ ප්‍රචාරවලටල එල්.ටී.ටී.ඊ ත්‍රස්තවාදීන්ගේ විදේශගත බලවේගවල ප්‍රචාරවලට අපි හසුවිය යුතු නෑ. අපි බොහොම පැහැදිලිව මේ රටේ ඒකීය භාවයත්, මේ රටේ භෞමික අඛණ්ඩතාවයත්, රණවිරුවන්ගේ අයිතියත් වෙනුවෙන් එදත් පෙනී සිටිය. අදත් පෙනී ඉන්නව. ව්‍යාජ බලවේග කුමක් කීවත් මේ කටයුත්ත අභීතව ඉටුකළේ ජාතික හෙළ උරුමය. ඉදිරියටත් අභීතව ඒ කටයුතු අපි ඉටු කරනව.' යනුවෙන්ද ඔහු පැවැසීය.
අද (24) කොළඹ, කොටුව ප්‍රදේශයේ අත්පත්‍රිකා බෙදාහැරීමේ අවස්ථාවට එක්වෙමින් රණවක මහතා මේ බව කියා සිටියේය. එහිදී ඔහු මෙසේද සඳහන් කළේය.
