video: කලා කරුවන්ට ආණ්ඩුවේ මැර ප්‍රහාරයක්!
එක්සත් ජනතා නිදහස් සන්ධානයේ වයඹ පළාත් සභා මන්ත්‍රී දොන් කමල් ඉන්දික ඇතුළු නිල් බලකායට අයත් විශාල පිරිසක් අලුත් පරපුර නම් කලා කරුවන්ගේ සංවිධානය කුරුණෑගල කුඹුක්ගැටේ ප්‍රදේශයේ මෛත්රීපාල සිරිසේන මහතා වෙනුවෙන් පවත්වමින් සිටී ප්රචාරක කටයුත්තට ප්‍රහාරයක් එල්ල කර තිබේ. මේ පිළිබඳව කුඹුක්ගැටේ පොලිසියට පැමිණිලි කිරීමට පවා නොහැකි තත්වයක් ඇති වී කුරුණෑගල පොලිසියට පැමිණිලි කිරීමට සූදානම් වන බව වාර්තා වේ.
ප්‍රවීණ ගායක ලක්ෂ්මන් විජේසේකර, ඔහුගේ දියණිය වන අමා විජේසේකර, කසුන් කල්හාර, සමනලීෆොන්සේකා, මොහාන් රාජ් මඩවල, ජගත් මනුවර්ණ, ඉන්ද්‍රචාප ලියනගේ, කෞෂල්‍ය කුමාර සිංහ යන කලා කාරුවන් හා කලා කාරියන් ඇතුළු විශාල පිරිසක් මෙයට සහභාගී වී සිටියහ. පත්‍රිකා බෙදමින්, ගී ගයමින් සහ කරුණු පැහැදිලි කරමින් ඔවුන් ප්රචාරක ව්‍යාපාරයේ යෙදී ඇත.
ඔවුන් සිටී ස්ථානයට කඩා වැදුණු නිල් බලකායේ පිරිස ගල් ප්‍රහාරයක් එල්ල කර බැණ වැදී, අඩම්තේට්ටම් කර බව අනාවරණය වේ. මේ පිළිබඳව වීඩියෝ දර්ශන තමන් සතුව ඇති බව අලුත් පරපුර සංවිධානය ප්‍රකාශ කරයි..
ලොව සෑම රටක්‌ සමගම මිත්‍රශීලී වඩාත් විනිවිදභාවයෙන් යුත් සෘජු විදේශ ප්‍රතිපත්තියක්‌ තම ආණ්ඩුව යටතේ ක්‍රියාත්මක කරන බව විපක්‍ෂයේ ජනාධිපතිවරණ පොදු අපේෂක මෛත්‍රිපාල සිරිසේන මහතා පසුගිය 26 වැනිදා හොරණ, හිනිදුම, මොරවක, අකුරැස්‌ස, වැලිගම, බේරුවල, වලස්‌මුල්ල, අම්බලන්ගොඩ පැවැති ජනහමු අමතමින් පැවැසීය.
මෙය ගම්සභා ඡන්දයක්‌ නොවෙයි. රටක්‌ පාලනය කරන්න භාරදෙන මැතිවරණයක්‌. ඒ නිසා ආවට ගියාට මොනව හරි කොළ කෑල්ලක ලියලා ජනතාව රවටා ඡන්ද ගන්න සූදානම් වන්නේ නම් එය මහා පාපයක්‌ යෑයි ජනාධිපති මහින්ද රාජපක්ෂ මහතා පැවසීය.
