02 Jan 2015
ජනාධිපතිවරණයට අදාළ විවිධ සිදුවීම්වලට සම්බන්ධ දේශපාලනඥයන් 14 දෙනකු ඇතුළු සැකකරුවන් 112 දෙනකු පොලිසිය මගින් අත්අඩංගුවට ගෙන ඇත.
පුද්ගලයන්ට පහරදීම්, බැන තර්ජනය කිරීම් ඇතුළු සිද්ධි 161 ක්‌ සම්බන්ධයෙන් පොලිසිය සිදුකළ විමර්ශනවලින් පසු මෙම පිරිස අත්අඩංගුවට ගෙන ඇතැයි පොලිස්‌ මූලස්‌ථානයේ ඊයේ (1 වැනිදා) පැවැති මාධ්‍ය හමුවකට එක්‌වෙමින් පොලිස්‌ මාධ්‍ය ප්‍රකාශක ජ්‍යෙෂ්ඨ පොලිස්‌ අධිකාරි අජිත් රෝහණ මහතා පැවැසීය.
අත්අඩංගුවට ගත් දේශපාලනඥයන් අතර නියෝජ්‍ය ඇමැතිවරයකු, පළාත් සභා මන්ත්‍රීවරයකු, ප්‍රාදේශීය සභා සභාපතිවරු පස්‌ දෙනකු සහ ප්‍රාදේශීය සභා මන්ත්‍රීවරුන් හත් දෙනකු සිටින බවද හෙතෙම කීය.
සිද්ධිවලට අදාළව පුද්ගල පහරදීම් තිස්‌අටක්‌, දුරකථනවලින් බැන වැදීම් විසි එකක්‌, ගිනි අවි භාවිතා කිරීම් විසි එකක්‌ වාර්තාවී ඇතැයිද හෙතෙම පැවැසීය. මෙම සිද්ධීන් ජනාධිපතිවරණය ප්‍රකාශ කළ නොවැම්බර් 20 වැනිදායින් පසු සිදුවී ඇත.
http://www.divaina.com/2015/01/02/news26.html
No comments:
Post a Comment