25 Dec 2014
කොලොන්නාවේ මෛත්‍රීගේ
පෝස්‌ටර් අලවමින් සිටි පිරිසට පාතාල ප්‍රහාරයක්‌
ජනාධිපති අපේක්‍ෂක මෛත්‍රිපාල සිරිසේන මහතාට සහාය පළ කරමින් කොළොන්නාව නගරයේ පෝස්‌ටර් අලවමින් සිටි පිරිසක්‌ වෙත පෙරේදා (23 වැනිදා) කඩාවැදුණු පාතාල කණ්‌ඩායමක්‌ ඔවුන්ට කඩු පොලුවලින් පහරදී තිදෙනකුට තුවාල කර පලා ගොස්‌ ඇත.

පෝස්‌ටර් අලවමින් සිටි ආධාරකරුවන්ට පහරදී කපා කොටා තුවාල කර ඇත්තේ දෙමටගොඩ ප්‍රදේශයේ ක්‍රියාත්මක වන පාතාල කල්ලියක සාමාජිකයන් බව පරීක්‍ෂණවලින් හෙළි වී තිබේ.
මෙම පාතාල කල්ලිය කොළොන්නාව ප්‍රදේශයේ බලවත් දේශපාලනඥයකුගේ ආධාරකරුවන් ලෙස කටයුතු කරන බවට තොරතුරු පොලිසිය වෙත ලැබී ඇත.
තුවාලකරුවන් රෝහල් ගත කර ඇති අතර සැකකරුවන් කිසිවකු ඊයේ වනතුරුත් අත්අඩංගුවට ගෙන නොතිබිණි
http://www.divaina.com/2014/12/25/news13.html